प्रकृतिको उपहार .... गजल

— देव नारायण शर्मा बस्ताकोटी, खामदोङ, सिक्किम

— देव नारायण शर्मा बस्ताकोटी, खामदोङ, सिक्किम

झल्किन्छ यो हिमाल बिहानिपखामा सौन्दर्यको धुपमा

उर्लिन्छ्न अविरल यी टिस्टा कनखा आदर्शको रुपमा

फुल्दा चाँप गुराँस सुगन्धित भए डाँडा र पाखाहरु

डाँफे कोयलको कुहुकुहु यहाँ गुन्जिंछन भाकाहरु .

वर्षायाम छँदा यी बादलहरु फैलिन्छ्न रुवा सरि

गर्जिन्छ यो आकाश भयङ्कर गरि पार्दै सबैमा झरी

कस्तोहो यो पहाड सुरम्य जगको भंचन यी नानीहरु

फर्किन्न बरु बस्दछु म त यतै भन्छन सैलानिहरु