बाजेको पालाको जुत्ता

धिराज बस्तकोटी, खाम्दोङ, सिक्किम

धिराज बस्तकोटी, खाम्दोङ सिक्किम


बाजेको पालाको जुत्ता
आज मेरोमा आएको छ
"सेन्चुरी" नाघेर आएको
बाबुको जीवनी पनि खाएको
आज मेरोमा आएको छ ।


बाजेले जमिन बेचेर किनेको रे
महाजनले लाएको जुत्ता
पहाड पर्बत खोला नाला
सबै खाँदै आएको रे
बाजेको सेखपछी यो
बाबुले तेसै पाएको रे ।


बाबुले यो जुत्त्ता बाउको भनी
फाटुनजेल लाएका रे
शहर गाई मोचि कहाँ
धेरै खेप सिलाएका रे
घोर्ले खसी बेचेको पैसा
त्यो जुत्तामा लाए रे ।


आज यो जुत्ता मेरोमा छ
म पनी यो जुत्ता लाउने छु
फाटुन्जेल लाउनेछु भन्नु सक्दिन
तेसै पनि यो जुत्ता म राख्दिन
जुत्ताको हालत खराब छ
कसरी लाउनु यो धराप छ ।


जुत्ता भने नाम मात्र छ
जुत्ताको आक्रिती हराइ सक्यो
ठुटा हो कि यो जुत्ता हो
छुट्याउन अब गार्हो छ
लाउन नसक्ने भएको छ
पन्द्र किलो नि नाघेको छ ।


यो जुत्ता अमेरिका पुर्यौ कि
कतै मेरो भाग्य खोलिन्छ कि
गिनिस बुक मा नाम दर्ता हुन्छ कि
रिकर्ड को लागि कतै चुन्छ कि
तब त जुत्ताको नाम प्रसिध हुनेछ
तब म पनि प्रसिद्ध हुन्छु कि ??