निस्तब्दताको कोलाहलमा
बिश्रिन्खलित श्रिंखलाहरु
क्रमस लाग्दै र भात्किने गर्दछन
राजतन्त्रताकै प्रजातन्त्रतमा
पराधिनताकै स्वतन्त्रताहरु
आसुँ बगाइ हास्ने गर्दछन
बैमानस्यताकै एकतामा पनि
जातिबादका अभिन्न मित्रहरु
मिल्दै जुल्दै कुस्ती खेल्दछन।
कर्तव्यपरायन कर्णधारहरु
दुस्कर्मिका आक्रोसमा परि
मानवाधिकारका यत्नहरु झेल्दछन
सत्यका आडम्बरहरु
असत्यका यथर्थहरु सँगै
घोक्रो तानेर कुर्लन्छन
नितिबाद भित्र जन्मिएका
विविध अनैतीकताहरु पनि
यसरिनै प्रतिपल उर्लिन्छन।
अस्मन्जस्यका द्ढ सन्कल्पहरु
प्रतिपल तोडिने प्रणहरु देख्दा
किन्कर्तव्यबिमुड भैइ हाँस्दाछन
उडिजाने अचल सम्पत्तिहरु
अमर जीवनका क्षणिक व्यक्तित्वहरु
यसरिनै कैयौ पटक मर्दै बाच्दछन
यसरिनै कैयौ पटक मर्दै बाच्दछन
यसरिनै कैयौ पटक मर्दै बाच्दछन।
No comments:
Post a Comment