खै के भयो मलाई

सुवास बस्ताकोटी मौसम चिसो छ, मन पोलिरहेछ खै किन हो आज भोलि आफन्त छन्, साथी भाई छन् तैपनि एक्लो झैं लाग्छ आज भोलि !! मुटु घाइते झैँ छ र त चस्कन्छ हरक्षण मन उडी जान्छ, खै कता कता दोसाँधमा उभिएको भान हुन्छ किन मन छ दोमन आज भोलि ? पीडा नभएर पनि मन दुखी झैँ छ रुन परेली रुझाउनै पर्छ भन्ने छैन हासेको मात्र देख्छन सबैले याहाँ मन बुझ्ने कोहि छैनन् आज भोलि !! चोट नहुदा पनि घाऊ देखिन्छ पीडा बेगर हृदय चिच्याउछ खै के भयो मलाई यस्तो नया कून रोग लाग्यो मलाई आजभोली !!